Ulud-tulud kandawai
Tulud sulok bawang ginatai
Osonong ginawo dahai
Norikatan tobpinai ngawi
🌾🌾🌾🌾🌾🌾🌾🌾🌾🌾
Tingaha oku id sawat
Okito ku tua timadang
Alansan tokou daa doid sawat
Poimpasi tokou osonong om aadang
🌾🌾🌾🌾🌾🌾🌾🌾🌾🌾🌾🌾🌾🌾
Mongoi oku po pamakid do guol
Kitimpu nopo om mumbaya oku ii mokilampun
Sontob boros ku di katangkid om kosinduol
Uludon ku tunturu do mokiampun
🌾🌾🌾🌾🌾🌾🌾🌾🌾🌾🌾🌾🌾🌾
Tadau mimbulai id doros nabalu
Soira tumonob id rahat kokitanan
Tadau kokotuan norikot no wagu
Koubasanan tokou tinaru dusun kadazan
🌾🌾🌾🌾🌾🌾🌾🌾🌾🌾🌾🌾🌾🌾
Moi id dumo manganu tutan
Kada lihuai manganu tuhau
Wulan kolimo wulan kokotuan
Kanou romito royoho tokou
🌾🌾🌾🌾🌾🌾🌾🌾🌾🌾🌾🌾🌾🌾
Mindahu kosuabon mogihum soko
Mumbaya hilo bawang mogihum tuntul
Tadau kokotuan royoho tokou
Popouli bambarayon hilo id tangkob
🌾🌾🌾🌾🌾🌾🌾🌾
Mungkalat mungkodom misowoli tadau,
timpu tumalib au milo pususon,
insan sontoun royohon tokou,
mamason oku kotobian tadau tagayo do kaamatan.
ll
ReplyDelete